ఉత్తమ గురువులు

రకరకాల గురువులు

గురించి వేమన ఇలా చెప్పాడు:

“కల్ల గురుడు గట్టు కర్మచయంబులు-

మధ్య గురుడు గట్టు మంత్రచయము;

ఉత్తముండు గట్టు యోగ సామ్రాజ్యంబు–

విశ్వదాభిరామ వినురవేమ!”

మూర్ఖ గురువులు ప్రజలకు “కర్మలు” చేయడాన్నే ప్రోత్సహిస్తారు;

“కర్మలు” అంటే “బాహ్యపూజలు” అన్నమాట.

మధ్యమ గురువులు “మంత్ర, ఉపాసన”లకు శిష్యులకు పురిగొల్పుతారు;

“అదే పరమయోగం” అంటూ ప్రవచిస్తూ వుంటారు.

కానీ,

ఉత్తమ గురువులు “ధ్యానయోగం”ను మాత్రమే

అందరికీ, అన్నివేళలా ప్రబోధిస్తూ వుంటారు.

బాహ్యపూజలు చేయడం మూర్ఖత;

మంత్రజపం ‘మూర్ఖత’ కాదు కానీ, ‘పరమ యోగం’ కూడా కాదు!

అందులో దొరికేది మనస్సుకు తాత్కాలిక ఉపశమనం మాత్రమే!

ధ్యానయోగమే అసలైన యోగం.

ధ్యానయోగ బోధకులే అసలైన గురువులు.