శ్రేయస్సు – ప్రేయస్సు
“శ్రేయశ్చ ప్రేయశ్చ మనుష్యమేత
స్తా సంపరిత్య వివినక్తి ధీరః ;
శ్రేయోహి ధీరోభిప్రేయసోవృణీతే
ప్రేయోమందో యోగక్షేమాత్ వృణీతే”
= కఠోపనిషత్తు (2-2)
“శుభకరమైనదీ, సుఖకరమైనదీ . . ఈ రెండూ మానవుని సమీపిస్తాయి;
బుద్ధిమంతుడు రెండింటినీ చక్కగా పరిశీలించి వివేచిస్తాడు;
సుఖకరమైన దానికంటే శ్రేయస్కరమైనదే మేలు అని ఎన్నుకుంటాడు;
కానీ, బుద్ధిహీనుడు లోభం చేతా, ఆసక్తి చేతా సుఖకరమైన దానినే కోరుకుంటాడు”
(= రామకృష్ణ మిషన్ ప్రచురణ)
ప్రతిక్షణమూ, మనకు రెండు మార్గాలు ఎదురవుతూ ఉంటాయి
అవే శ్రేయో, ప్రేయో మార్గాలు
“శ్రేయస్సు” అంటే “శ్రేయస్కరమైనది”;
“ప్రేయస్సు” అంటే “ప్రియమైనది”
- శ్రేయస్సులో సదా నిమగ్నుడైన వాడే ఉత్తముడు, ధీరుడు
- ప్రేయస్సులో సదా నిమగ్నుడైన వాడే మందబుద్ధి కలవాడు
- కేవల ప్రేయస్సులో శ్రేయస్సు శూన్యం; కానీ శ్రేయస్సు ఎప్పుడూ ప్రేయోసహితమైనదే