యోగసాధన .. యోగసిద్ధి .. యోగ్యత

” ఆత్మజ్ఞానయుత – మేధవులనే పరిపాలకులుగా ఒప్పుకుందాం “

” చిత్తం ” అన్నది ” అంతరేంద్రియం ” లో ఒక విశాల భాగం
అంతరేంద్రియంలో వుండే సకల వికల్పాలకూ మూలమే ” చిత్తం “
నిరంతరం అయుక్త ఆలోచనలను చేసేదే .. ” చిత్తం “
” చిత్తవృత్తినిరోధం ” అంటే ” వికల్పాలను సమూలంగా పెకలించడమే ” ..
సకల అయుక్త, వ్యర్థ చిత్తవృత్తులను నిరోధించడమే ధ్యానయోగసాధన అంటే !
” యోగం ” అంటే ” చిత్తం యొక్క రకరకాల వృత్తులను నిరోధించడం ” అని అర్థం
” యోగః శ్చిత్త వృత్తి నిరోధః ” అన్నారు యోగులు
” చిత్తం ” యొక్క వికల్పాల వల్ల, వ్యర్థ ఆలోచనల వల్ల ..
ఆత్మయొక్క విస్తారమైన ప్రాణశక్తి .. ” తొంభై శాతం ” వృధా అవుతూ వుంటుంది
మరి ధ్యానయోగసాధన ద్వారా ” చిత్తవృత్తినిరోధం ” జరిగి ఆ 
అపారమైన ప్రాణశక్తి వ్యర్థంగా ఖర్చుకాకుండా నిలువ వుంటే, అది 
యుక్తమైన, హితకర కర్మలకు అత్యధికంగా వినియోగపడుతూ ఉంటుంది
అప్పుడు మనం చేసే సకల కర్మలలో నైపుణ్యం మరి నాణ్యత అన్నవి
విశేషంగా మెరుగవుతూ వుంటాయి
” యోగః కర్మసు కౌశలమ్ “
నిరంతర యోగాభ్యాసం ద్వారా .. చేసే సకల కర్మల్లో కౌశల్యం లభిస్తుంది
చేపట్టిన సకల కార్యక్రమాలలో కౌశల్యం చేకూరినప్పుడు ..
విజయ పరంపర లభిస్తూ ఉంటుంది మరి జీవితంలో అగ్రగాములుగా నిలుస్తాం
అంతేకాక, ” యుక్తాయుక్త విచక్షణాజ్ఞానం ” విశేషంగా పెంపొందుతూ వుంటుంది
వ్యక్తిగతంగా, స్వంతానికి .. ఏది నిశ్చితంగా యుక్తమో .. ఏది నిశ్చితంగా అయుక్తమో ..
సంఘటితంగా .. ఏది అందరికీ యుక్తమో .. ఏది అందరికీ అయుక్తమో ..
ఈ విధంగా సకల విషయాలూ ధ్యానయోగులకు సుస్పష్టం అవుతూ వుంటాయి
వెరసి .. ” ఒకానొక ధ్యానయోగి ” మాత్రమే ఒకానొక ” యోగ్యుడు ” గా
ఒకానొక ” ఆత్మజ్ఞానయుత మేధావి ” గా విరాజిల్లుతాడు
ఈ 2014 సార్వత్రిక ఎన్నికలలో
ఆత్మజ్ఞానయుత – మేధావులనే .. అంటే ” యోగ్యులనే ” .. ఎన్నుకుందాం
” Philosophers alone should become Rulers ” అన్నారు సోక్రటీస్
” పిరమిడ్ పార్టీ ఆఫ్ ఇండియా ” ద్వారా ఆత్మజ్ఞానయుత – మేధావులైన పిరమిడ్ మాస్టర్లు
ఈ సార్వత్రిక ఎన్నికల సంరంభంలో విశిష్ట ప్రతినిధులుగా నిలబడడం జరుగుతోంది
పిరమిడ్ ధ్యానులు, పిరమిడ్ మాస్టర్లు, పిరమిడ్ పార్టీ కార్యకర్తలు అందరూ
తమతమ వంతు మౌలిక సామాజిక బాధ్యతను సంతోషంగా నెరవేర్చెదరు గాక !
పిరమిడ్ పార్టీ కార్యకర్తలకూ, పిరమిడ్ పార్టీ మాస్టర్లకూ ప్రత్యేక అభినందనలు !
యోగ్యులనే పరిపాలకులుగా ఎన్నుకుందాం
ఆత్మజ్ఞానయుత – మేధావులనే పరిపాలకులుగా ఒప్పుకుందాం
ధ్యానయోగుల పార్టీ జిందాబాద్ !
ఆత్మజ్ఞానయుత – మేధావుల పార్టీ జిందాబాద్ !!
శాకాహారుల, అహింసాధర్మవర్తనుల పార్టీ జిందాబాద్ !
పిరమిడ్ పార్టీ జిందాబాద్ !!

సకల పిరమిడ్ ధ్యానప్రపంచానికి ఉగాది జయనామ సంవత్సర శుభాకాంక్షలు