మూలచైతన్యం నుంచి ‘వర్షం’ లా ఎప్పుడూ ఆత్మల సృష్టి జరుగుతూనే వుంది, వుంటుంది.
పూర్ణాత్మలు అంటే పరిణితి చెందిన ఆత్మలు,కూడా తమలోంచి నూతన అంశాత్మలనుసృష్టిస్తూ వుండడం జరుగుతూ వుంటుంది.
మూలచైతన్య ఆత్మలు కానీ, పూర్ణాత్మల నుంచివచ్చిన అంశాత్మలు కానీ, అన్నీ – రకరకాల అనుభవాలనుజనన – మరణ చక్రంలో కానీ, దాని బయట కానీ – విధిగా సంపాదించుకోవాలి;శిశు ఆత్మలు అన్నీ విధిగా పరిణామ క్రమంలో పూర్ణపరిణితి చెందాల్సిందే.
అన్ని అత్మలకూ ఎప్పుడూ పూర్తి స్వేచ్చ వుంటుంది.
తమ తమ ఇచ్చా – స్వేచ్ఛ వల్ల రకరకాల కర్మలను చేస్తూ, చేస్తూ..వాటి వాటి ఫలితాలను అనుభవిస్తూ, అనుభవిస్తూ ..ఎన్నో పాఠాలను నేర్చుకుంటూ నేర్చుకుంటూ .. ఉండడం అన్నది సదా జరుగుతూ, జరుగుతూ .. ఉంటుంది.
.. .. .. ఇటువంటి సత్యాలు ఇంకా, ఇంకా ఎన్నో వున్నాయి; అన్నీ ఎప్పటికప్పుడు, ఎక్కడికక్కడ తెలుసుకుంటూ వుండాలి.
