ಕರ್ಮಬದ್ಧನು

“ಕರ್ಮಬದ್ಧನು”

ಕರ್ಮಗಳನ್ನು

ಮಾಡಲೇಬೇಕು.

ಅಕರ್ಮನಾಗಿ ಎಂದಿಗೂ ಇರಬಾರದು …

ಸೋಲುತ್ತೇವೆಂದು ತಿಳಿದರೂ ಸರಿಯೇ.

* * *

ಪ್ರಾರಂಭದಲ್ಲಿ ಅಪಜಯವಾದರೂ,

ಅಪಜಯ ಸಹ ವಿಜಯ ಪರಂಪರೆಯ ಒಂದು ಮೆಟ್ಟಿಲೇ ಎಂದು ಗ್ರಹಿಸಬೇಕು.

* * *

ಕರ್ಮಗಳನ್ನು ಮಾಡಲೇಬೇಕು

ಧರ್ಮಾಧರ್ಮಗಳು ಸರಿಯಾಗಿ ತಿಳಿಯದೆ ಇದ್ದರೂ ಸರಿಯೇ

ಕರ್ಮಬದ್ಧನಾಗಿರುವವನಿಗೆ

ಧರ್ಮಾಧರ್ಮ ಜ್ಞಾನ ಕ್ರಮಕ್ರಮವಾಗಿ ಖಂಡಿತ ಉಂಟಾಗುತ್ತದೆ.

* * *

ಪ್ರತಿಯೊಬ್ಬರೂ ಕರ್ಮಗಳನ್ನು ಮಾಡುತ್ತಲೇ ಇರಬೇಕು

“ಮಾ ತೇ ಸಂಗೋಸ್ತ ಕರ್ಮಣಿ” ಎಂದಲ್ಲವೇ ಗೀತಾಕಾರನು ಹೇಳಿದ್ದು.

* * *

ಸೋಮಾರಿಯಾಗಿ, ತಮೋಗುಣಿಯಾಗಿ,

ಅಕರ್ಮನಾಗಿ ಯಾರೂ, ಎಂದಿಗೂ ಇರಬಾರದು

’ನಾಳೆ’ ಎಂದು ಯಾರೂ, ಎಂದಿಗೂ ಹೇಳಬಾರದು.

* * *

ಕರ್ಮಬದ್ಧನು ಎಂದಿಗೂ ಅಗ್ರಜನೇ

ಅಕರ್ಮನು ಸದಾ ಕಟ್ಟಕಡೆಯವನೇ.